दाङमा चट्याङ लागेर एक जनाको मृत्यु

घरसञ्चार
दाङ । दाङमा चट्याङमा परेर एक जनाको मृत्यु भएको छ ।
राजपुर गाउँपालिका वडा नम्बर २ मटेरीया निवासी ३९ बर्षिय भुमिसरा बुढामगरको चट्याङमा परेर मृत्यु भएको ईलाका प्रहरी कार्यालय गढवाका प्रहरी निरीक्षक कालिका कार्कीले जानकारी दिइन् ।

शुक्रबार बेलुका आफ्नै खेतमा काम गरिरहेको अवस्थामा चट्याङमा परेर उनको मृत्यु भएको हो । उपचारको लागि लमही अस्पताल लगिएपनि चिकित्सकले राती नै मृत घोषणा गरेका थिए । शबलाई लमही अस्पतालमा राखिएको प्रहरीले बताएको छ ।