रेलको ठक्करबाट क्रोएशियामा एक नेपाली कामदारको मृत्यु

शिव राज खनाल क्रोसिया (croatia)

क्रोएशिया । क्रोएशियाको Retkovci क्षेत्रमा कार्यरत ३८ वार्षिय नेपाली नागरिक सन्तोष सापकोटाको रेल ठक्करबाट मृत्युु भएको छ । काभ्रेपलान्चोक स्थित धुलिखेल स्थायी घर भई हाल Eugena Kvaternika ७७ को कन्स्ट्रक्सन कम्पनीमा कार्यरत सापकोटा लाई २४ नोभेम्बर २०२५, बेलुका करिब ८ बजे ड्युटी सकेर बैंक जाने क्रममा ट्रेन लाइन क्रस गर्ने बेलामा रेलले ठक्कर दिँदा घटनास्थलमै मृत्यु भएको एनआरएनए क्रोएशियाले पुष्टि गरेको छ ।

एनआरएनए क्रोएशियाका अध्यक्ष साइमन लामाका अनुसार मृतकको परिवारलाई घटनाबारे जानकारी गराइसकिएको छ । साथै, शव नेपाल पठाउन लाग्ने सम्पूर्ण खर्च मृतक कार्यरत कम्पनीले नै व्यहोर्ने सहमति भएको बताइएको छ । आवश्यक कागजात तथा प्रक्रिया पूरा गर्न नेपाली दूतावाससँग समन्वय भइरहेको पनि उनले जानकारी दिए । एनआरएनए क्रोएशिया परिवारले सापकोटाप्रति श्रद्धाञ्जलि अर्पण गर्दै शोकसन्तप्त परिवारमा गहिरो समवेदना व्यक्त गरेको छ ।