बगारबाबा धार्मिकको साधारण सभा,साझा सम्पतीमा राजनिती नगरौँ-सांसद चौधरी

घरसञ्चार

दाङ । संघिय साँसद तथा पुर्ब सहरी बिकाश मन्त्रि मेटमणी चौधरीले सबैको साझा सम्पतीमा कसैलेपनि राजनिती गर्न नहुने बताए ।
राजनितीका कारण बिबाद उत्पन्न भई बिकाशमा अबरोध श्रृजना हुने बताए । उनले बगारबाबा धार्मिक बिकाश समितीको ३२ औँ साधारण सभालाई संबोधन गर्दै यस्तो बताएका हुन् । यसभन्दा अघि रिहार धामको बिकाशका निम्ति बजेट बिनियोजन गरेपनि पुर्णरुपमा बजेट खर्च हुन नसक्दा पछिल्ला बर्षहरुमा बजेट कटौती भएको स्मरण गरे । कार्यक्रमका प्रमुख अतिथी समेत रहेका साँसद चौधरीले यसको बिकाशका निम्ति फेरी बजेटको ब्यबस्था गरिरहेको र निर्माणका क्रममा राजनिती नगरी आपसमा मिलेर बिकाश गर्नपुर्ने धारणा ब्यक्त गरे । बिकाश सँगै रोजगारपनि जोडिने भएकाले यहि क्षेत्रका स्थानिय फुटेर भन्दापनि जुटेर फाईदा लिनुहुन अनुरोध गरे । ‘बिकाशका निम्ति राजनिती नगरौ, फुटेर भन्दा जुटेर राम्रो काम गरौँ साँसद चौधरीले भने-निर्माणका क्रममा रोजगार बढ्छ, यही क्षेत्रका स्थानियले रोजगारमा जोडेर फाईदा लिऔँ ।’ रिहारको बिकाशका निम्ति मन्त्रालयमा ५ करोडको सिफारीस गरिएको जनाउँदै चौधरीले समग्रमा हाम्रो क्षेत्र, हाम्रो धाम बन्यो भने हाम्रो ब्यक्तिगत जिवनपनि बिकाश हुने कुरामा जोड दिए ।

देशको पर्यटकिय क्षेत्रका रुपमा एकसय गन्तब्यभित्र पर्ने रिहार धाममा पहिलेको भन्दा अहिले केही फरक भएकोमा खुसी ब्यक्त गर्दै साँसद चौधरीले माघ मेलामा मात्र नभई हेरक समयमा भक्तालु तथा पर्यटक भित्र्याउन सके यसको प्रचारले गति लिने र बिकाशले पनि फड्को मार्ने बताए । कृष्ण भगवानको ऐतिहासिक बोकेको रिहार धाममा उनकै मन्दिर नहुनु दुखद भएको बताउँदै चौधरीले कृष्णको मन्दिर निर्माणका लागी समितीलाई आग्रह गरे । यसको बिकाशका निम्ती जतिसक्दो धेरै बजेट बिनियोजन गर्ने प्रतिबद्धता जनाउँदै उनले बजेटको सदुपयोग गर्दै पुर्णरुपमा खर्च गर्नुपर्ने र ऐतिहासिक रिहारधामको बिकाशमा सबै अग्रसर हुनुपर्ने बताए ।

फरक प्रसँगमा साँसद चौधरीले देशका ठुला योजना, शैक्षिक भवन, पुलपुलेसा, तट्बन्ध जस्ता कामहरुमा आफ्नो ध्यान केन्द्रित रहेको बताए । रिहार-राजपुरको गँगदी जोड्ने पुलको तयारी अन्तिम चरणमा रहेको बताउँदै उनले नदीको दुबै किनारमा तट्बन्ध गरी बाटो निकाल्ने र पिच गर्ने योजना अघि सारिएको जानकारी दिए । भालुबाङ देखि बाँकेको अगैया सम्म मानव बस्ती रहेको राप्ती नदिमा ४ बर्षभित्रमा तट्बन्ध सक्नेगरी काम शुरु भएको जनाए । गढवामा ईडिबी ऋण मार्फत तट्बन्धको काम चलिरहेको जनाउँदै उनले पश्चिम तिरका राप्तीमा पनि तत्काल काम शुरु हुने बताए । ७५० देखि ८ सय मिटर भित्र पानीको क्षेत्र छुट्याएर तट्बन्धको योजना अघि सारेको बताउँदै उनले जसले राप्ती एक धारमा बग्ने र जनताको जग्गा उकासिने बताए । भालुबाङ देखि बाँकेको अगैय सम्म तट्बन्धको सर्भे गर्दा ३८ सय बिगाह किसानका जग्गा उकासिने र त्यसमा शहरीकरणको परिकल्पना गरिरहेको साँसद चौधरीले बताए ।

कार्यक्रमको अबसरमा सँस्थालाई अतुलनिय सहयोग गरेको भन्दै दुई सँस्था र दुई ब्यक्तिलाई प्रमाणपत्र सहित सम्मान गरिएको थियो । तिर्थ तथा पर्यटन बिकाशका लागी योगदान पुर्याएको भन्दै लमही-६ देउपुर निवासी बिनोद बुढाथोकी नगद सहित सम्मानित भएका हुन । उनिसँगै बगारबाबा माबि रिहार, रिहार स्थित शान्ती टोल महिला समूह र उत्कृष्ट सदस्य बिरसिङ बिक सम्मानित भएका छन । बगारबाबा धार्मिक बिकाश समितीका उपाध्यक्ष मानसिङ वलीको स्वागत मन्तब्यबाट शुरु भएको कार्यक्रममा बोल्ने अन्य बक्ताले पुरानो ईतिहास बोकेको बगारबाबा धामको प्रचार तथा बिकाशमा तिनै तहका सरकारले ध्यान दिनुपर्ने बताए ।

कार्यक्रममा सँस्थाका पुर्ब सचिब ज्ञानराज नेपाली, बगारबाबा गोरक्ष धाम रिहारका रमेश कुमार खड्का, बगारबाबा माबि रिहारका प्रअ यम बहादुर बस्नेत, समाजसेबी तथा बुद्धिजीवी शसिराम नेपाली, बगारबाबा सामुदायिक बनका अध्यक्ष टोपेन्द्र पुन, स्थानिय समाजसेबी पहल सिँह पुन, लमही नपा बन महासंघका अध्यक्ष पुर्ण बहादुर बस्नेत, लमही-९ का वडाध्यक्ष भेषबहादुर केसी, गढवा गाउँपालिकाका पुर्ब अध्यक्ष सहजराम अहिर, सँस्थाका सल्लाहकार सदस्य बिन्तिराम यादब लगायतले शुभकामना मन्तब्य ब्यक्त गरेका थिए । बगारबाबा धार्मिक बिकाश समिती रिहारका अध्यक्ष रबिन्द्र खत्रिको अध्यक्षतामा कार्यक्रम भएको हो भने सञ्चालन सचिब नवीन वलीले गरेका थिए ।

हाल बगारबाबा धाम रिहारको ईतिहास र बर्तमानका बारेमा लमही नगरपालिकाले स्थानिय पाठ्यक्रममा समाबेस गरेको छ । सँस्थामा हाल ६ सय बढि सदस्य रहेको जनाईएको छ । धार्मिक आस्था सँगै पछिल्लो समय निर्माणाधिन ताल र बोटिङ यहाँको लागि आकर्षक बन्दै गईरहेका छन् ।