नेपाल उद्यान महासंघकाे अधिवेशन, दाङबाट तिनजना केन्द्रीय सदस्यमा निर्वाचित

शिवु खनाल

बुटवल, २६ पुस । नेपाल उद्यान महासंघकाकाे प्रथम अधिवेशनबाट दाङका तिनजना केन्द्रीय सदस्यमा सर्वसम्मत रूपमा निर्वाचित हुनुभएको छ ।

नेपाल उद्यान महासंघकाे पुस २५ र २६ बुटवलमा भएको प्रथम राष्ट्रिय अधिवेशनमा अजम्मरी सामुदायिक वन उपभोक्ता समूह लमहीद्वारा सञ्चालित जैविक विविधता ग्रीन पार्कको नेतृत्व गर्दै अधिवेशनमा सहभागी हुनु भएका सामुदायिक वनका अध्यक्ष पवन शर्मा रिजाल उद्यान महासंघको केन्द्रीय सदस्यमा सर्वसम्मत रूपमा निर्वाचित हुनुभएको हाे । त्यसैगरी अधिवेशनबाट दाङबाट राप्ती शान्ति उद्यानका अध्यक्ष डिल्ली राज भण्डारी, पाण्डवेश्वर धारपानिका सचिव तथा संस्थापक सदस्य विष्णु राम आचार्य सर्वसम्मत रूपमा निर्वाचित हुनु भएकाे हाे ।

नेपाल उद्यान महासंघका अध्यक्ष खेम प्रसाद लुइँटेलकाे अध्यक्षता एवम् लुम्बिनी प्रदेशका सभामुख तुलाबहादुर घर्तीकाे प्रमुख अतिथि तथा सहिद स्मारिका पार्क हेटौंडाका संस्थापक अध्यक्ष बागमती प्रदेशका पूर्वमुख्यमन्त्री डाेरमणी पाैडेलकाे विशिष्ट अतिथिमा उक्त अधिवेशन सम्पन्न भएको हाे । देशभरका उद्यानहरुलाई संगठित गर्दै शुरु भएको यात्राको क्रममा भएको उचारचढावबारे प्रकाश पार्दै महासंघका अध्यक्ष खेम प्रसाद लुईटेलले उद्यान ब्यवस्थापनमा भएका चुनौतीलाई समाधान गर्ने गरि संस्थागत रुपमा आफुहरु अघि बढेको बताउनुभयाे । उद्यानहरूको दर्ता, व्यवस्थापन तथा सञ्चालनसम्बन्धी एकीकृत राष्ट्रिय नीति तथा कानून निर्माण नहुँदा सबै प्रकारका वनअन्तर्गत रहेका उद्यानहरूलाई दीर्घकालीन उपयोग, स्वामित्व हस्तान्तरण लगायत समस्याहरु रहि आएका छन् ।

यसै सन्दर्भमा मकवानपुरमा पनि धेरै उद्यानहरु संचालनमा रहेको तर, विभिन्न कारणले व्यवस्थित संचालन हुन नसकिरहेको हुँदा महासंघ मार्फत साझा धारणा बनाउन लागिएको महासंघका अध्यक्ष खेम प्रसाद लुईटलले बताउनुभयो ।छलफलमा भाग लिनु हुँदै सहिद स्मारिका पार्क हेटौंडाका संस्थापक अध्यक्ष एवम् बागमती प्रदेशका पूर्वमुख्यमन्त्री डाेरमणी पाैडेलले उद्यानहरु व्यवस्थित रुपमा सञ्चालन हुनु पर्ने हुँदा एकताद्द हुन आवश्यक रहेको बताउनुभयो । देशभरका उद्यान (पार्क) उद्यानहरूको व्यवस्थापन र सञ्चालनमा देखापरेका समस्याहरूको समाधान गर्दै संस्थागत विकास गरी एकताबद्घ पहल गर्ने उद्देश्यसहित महासंघ दर्ता भएको हो । महासंघले उद्यानहरूको संरक्षण, संवद्र्धन र विकास गर्ने लक्ष्य लिएको छ ।।