कति सकियो एमालेको जिल्ला अधिबेसन? अझै कति बाँकि

काठमाण्डौ- नेकपा (एमाले) ले आफ्नो ६० वटा जिल्लाको अधिवेशन सकाएको छ । सत्ता साझेदार समेत रहेको एमालेले १३ वटाको मिति तोक्न बाँकी रहेको जनाएको छ।

निर्वाचन आयोगका प्रमुख विजय सुब्बाका अनुसार ८ वटा जिल्लाको अधिवेशनको मिति तोकिएर यही महिनाभित्र अधिवेशन सकिनेछ।
जसअनुुसार शुक्रबार र शनिबार मकवानपुर जिल्लाको अधिवेशन हुँदैछ । २० र २१ गते प्यूठानको अधिवेशन हुनेछ । २२, २३ र २४ गते नुवाकोट जिल्लाको अधिवेशनको मिति तय भएको छ।

त्यस्तै २३ र २४ गते रूपन्देहीको अधिवेशनको मिति तय भएको एमालेले जनाएको छ । २६ र २७ गते अर्घाखाँचीको अधिवेशन हुँदैछ । त्यस्तै २६, २७, २८ काठमाडौंको अधिवेशन हुँदैछ । २८, २९ र ३० गते काभ्रेको अधिवेशन हुनेछ भने २९ र ३० गते गुल्मी जिल्लाको अधिवेशनको मिति तोकिएको एमाले निर्बाचन समितिले जनाएको छ ।