आयाम सहकारीको ११औँ साधारणसभा, कृषि क्षेत्रमा गरेको लगानी उल्लेखनिय
आलोक भावुक
गढवा, १४ भदौ । आयाम बहुउद्देश्यीय सहकारी संस्था लिमिटेड गढवाको ११ औँ वार्षिक साधारणसभा सनिवार गढवामा सम्पन्न भएको छ ।
संस्थाका अध्यक्ष ओम प्रकाश बसेलको अध्यक्षता तथा गढवा गाउँपालिका अध्यक्ष यमनारायण शर्मा पोख्रेलको प्रमुख आतिथ्य तथा गाउँपालिका उपाध्यक्ष शारदाकुमारी चौधरीको विशिष्ट आतिथ्यमा सम्पन्न भएको हो । कार्यक्रममा बोल्दै प्रमुख अतिथि तथा गढवा गाउँपालिका अध्यक्ष यम नारायण शर्मा पोख्रेलले बचत र ऋणले मात्र सहकारी संस्था अगाडी बढ्न नसक्ने बताए । आयाम सहकारी संस्थाले कृषि क्षेत्रमा लगानी गरेको देख्दा सुन्दा आफु खुसी भएको बताए । सहकारी संस्थाहरुले कृषि उत्पादनमा लगानी गरी आयआर्जन तर्फ अघि बढ्न सबै सहकारी हरुलाई सुझाव समेत दिए । सहकारी संस्थाहरुमा पछिल्लो समयमा सदस्य संख्या घट्नु बिभिन्न कारणहरु भएको बताए । केही नाममा लागि मात्र खुलेका सहकारी संस्थाहरुले एक आपसमा मर्ज गरेर अघि बढ्न सुझाव दिए । आफुहरु निर्वाचित भएर आएपछी सहकारी शाखा स्थापना गरेर सहकारी संस्थाहरुका व्यवस्थापक लगायतलाई विभिन्न समयमा तालिम दिदै आएको बताए । गढवाका सहकारी संस्थाहरुले कृषिको क्षेत्रमा उत्पादनमुलक कार्यक्रम गरे पालिकाले सहयोग गर्ने बताए ।
सहकारी संस्थाको ११ औ वार्षिक साधारण सभामा बोल्दै गढवा गाउँपालिका उपाध्यक्ष शारदाकुमारी चौधरीले संस्थाले छोटो समयमा राम्रो र सम्मानजनक प्रगति गरेको भन्दै धन्यवाद दिए । सहकारी संस्थाहरुले बचत तथा ऋण मात्र नभएर महिलाहरुलाई सिपमुलक तालिम दिएर महिलाहरुलाई व्यवसाय संग जोड्ने हिसावको कार्यक्रम गर्न सुझाव दिए । गढवामा आयाम बहुउद्देश्यीय सहकारी संस्था लिले गढवामा सहकारीको हकरा राम्रो र नितिगत रुपमा अघि बढेको बताए । संस्थाहरुले महिला कर्मचारी मात्र राखेको देख्दा आफु हर्षित भएको बताउदै आगामी दिनमा जनताको हकहित र सहयोग हुने गरी जनता लक्षित कार्यक्रम ल्याउनु पर्ने बताए । गढवा गाउँपालिकाले सहकारी क्षेत्रको समुन्नत विकाशको लागि नियमित नियमन कार्य गर्दै आएको बताए ।
कार्यक्रममा बोल्दै संस्थाका अध्यक्ष ओम प्रकाश बसेलले “आयाम बहुउद्देश्यीय सहकारी संस्था स्थापना भएको ११ वर्षको यात्रामा सदस्यहरुको निरन्तर विश्वास, माया र साथका कारण संस्थाले छोटो समयमा उल्लेखनीय उपलब्धि हांसिल गर्न सफल भएको छ । हाम्रो प्राथमिकता सदस्यहरुको हित, पारदर्शिता र सहकारीको आधारभूत सिद्धान्तलाई आत्मसात् गर्दै अगाडि बढ्नु हो । कृषि, महिला सशक्तिकरण, सीपमूलक तालिम र उत्पादनमुखी क्षेत्रमा लगानी गरेर मात्र सहकारी क्षेत्रलाई दिगो बनाउन सकिन्छ भन्ने विश्वासका साथ हामी अघि बढिरहेका छौं । भविष्यमा पनि सदस्यहरुको साथ र सहकार्यका आधारमा आयाम सहकारीलाई अझ सबल, सुदृढ र आदर्श सहकारीको रुपमा अघि बढाउने प्रतिबद्धता व्यक्त गरे ।
संस्थाकी प्रबन्धक सिता नेपालीले आर्थिक वर्ष २०८२/०८३ को बजेट, निति तथा कार्यक्रम प्रस्तुत गरेका थिए । कार्यक्रममा संस्थाका सचिव श्याम चौधरीले संस्थागत प्रगति प्रतिवेदन प्रस्तुत गर्नुभएको थियो भने संस्थाका कोषाध्यक्ष समिर खानले आर्थिक प्रतिवेदन प्रस्तुत गरेका थिए । आर्थिक वर्ष २०८१/०८२ को आय व्यय प्रस्तुत गर्दै संस्थाका सचिव श्याम चौधरीले यस वर्षको संकलित निक्षेप रकम ४ करोड ५४ लाख ६० हजार ५ सय त्रियासी रुपैयाँ छ भने कुल ऋण लगानी ३ करोड ३८ लाख ८२ हजार ५ सय ७८ रुपैयाँ रहेको प्रतिवेदनमा प्रस्तुत गरेका थिए । त्यसैगरी संस्थाको कुल आम्दानी ४३ लाख १९ हजार ६ सय ८ रुपैयाँ २५ पैसा रहेको थियो भने ३३ लाख ७० हजार ४ सय ६९ रुपैयाँ २४ पैसा जम्मा खर्च प्रस्तुत गर्नुभएको थियो। यस आर्थिक वर्षमा संस्थाका कुल नाफा ९ लाख ४९ हजार १ सय ३८ रुपैयाँ ८१ पैसा रहेको छ ।
२०७२ साल फागुन १२ गते मुख्य कार्यालय गढवामा स्थापना भएको सहकारी संस्थामा हाल २ हजार ४२ जना सदस्य रहेका छन् संस्थाले गढवा गाउँपालिकाको वडा नम्बर १ कालाकांटे र राजपुर गाउँपालिका (हाल बन्द भएको) र लमही नगरपालिकाको लमही बजारमा शाखा स्थापना गरी सेवा प्रदान गरीरहेको छ । हाल संस्थामा १२ जना कर्मचारी कार्यरत रहेका छन् । सहकारी संस्थाले आफ्नै भवन निर्माण गरी २०८२ वैशाख २४ गतेदेखि मुख्य कार्यालय सञ्चालन गरेको छ । आयाम बहुउद्देश्यीय सहकारी संस्था लि गढवाले ३ करोड ३८ लाख ८२ हजार ५ सय ७८ रुपैयाँ लगानी गरेको छ भने ४ करोड ५४ लाख ६० हाजिर ५ सय ८३ रुपैयाँ बचत संकलन गरेको छ ।
११औ वार्षिक साधारण सभाको अवसरमा सहकारी सुरुवात चरणदेखि हाल सम्म र विभिन्न समयमा संस्थाको हकहित,बचत, लगायतका क्षेत्रमा उत्कृष्ट काम गर्ने सदस्यहरुलाई सम्मान समेत गरिएको थियो ।
कार्यक्रममा गढवा गाउँपालिका सहकारी शाखाका अशोक कुमार यादव,गाउँपालिका स्तरीय सरकारी सञ्जालका सचिव दामोदर ढुङ्गाना, नेपाल रेडक्रस सोसाइटी उपशाखा गढवाका सभापति उमाकान्त पन्त, संस्थाका परिकल्पनाकार तथा पत्रकार किरण बिक्रम शाह, गढवा उद्योग वाणिज्य संघका प्रतिनिधि डेगमान जिसी,गढवा गाउँपालिका द्वारा सञ्चालित भिटा परियोजना कार्यक्रम संयोजक बसन्त कुमार शर्मा, वन तथा वातावरण समन्वय समितिका अध्यक्ष पुष्पा यादव, गढवा पञ्चैबाजा कला संस्कृति संरक्षण केन्द्रका सचिव तिलक पुन, गढवा सामाजिक उद्यमी महिला सहकारी संस्थाका व्यवस्थापक रम्भुनाथ चौधरी,चुरे क्षेत्र बचत तथा ऋण सहकारी संस्था लि गढवाका अध्यक्ष हेमन्त चौधरीले शुभकामना मन्तव्य व्यक्त गरेका थिए ।
संस्थाकी प्रबन्धक सिता नेपालीको स्वागत मन्तव्य बाट सुरु भएको कार्यक्रमको सञ्चालन संस्थाका सचिव श्याम चौधरीले गरेका थिए ।
